Back بالو ألتو (كاليفورنيا) Arabic بالو التو (كاليفورنيا) ARZ Palo Alto (California) AST پالو آلتو، کالیفورنیا AZB Пала-Альта Byelorussian Пало Алто Bulgarian Palo Alto (Califòrnia) Catalan Пало-Альто CE Palo Alto (lungsod sa Tinipong Bansa, California) CEB Palo Alto Czech

Palo Alto

City of Palo Alto
Stad
Die middestad van Palo Alto in 2005
Die middestad van Palo Alto in 2005
Vlag van City of Palo Alto
Vlag
Amptelike seël van City of Palo Alto
Seël
Ligging van Palo Alto in Kalifornië
Ligging van Palo Alto in Kalifornië
Koördinate: 37°25′45″N 122°8′17″W / 37.42917°N 122.13806°W / 37.42917; -122.13806
LandVlag van Verenigde State van Amerika Verenigde State
DeelstaatKalifornië
CountySanta Clara County
Gestig in1885
Geïnkorporeer op23 April 1894
Regering
 • TipeCouncil-manager (Stadsraad / -bestuurder)
 • BurgemeesterLiz Kniss
Oppervlak
 • Totaal66,75 km2 (25,77 vk. myl)
 • Land61,81 km2 (23,86 vk. myl)
 • Water4,94 km2 (1,91 vk. myl)  7.38%
Hoogte
9 m (30 ft)
Bevolking
 • Totaal67 024
 • Digtheid1 084,4/km2 (2 808,5/vk. myl)
TydsoneUTC-08:00 (PST)
 • SomertydUTC-07:00 (PDT)
ZIP-kode
94301, 94303, 94304, 94306
Skakelkodes650
Webwerfcityofpaloalto.org

Palo Alto [ˌpæloʊ ˈæltoʊ] is 'n nedersetting in die noordwestelike hoek van die administratiewe distrik Santa Clara County in die Amerikaanse deelstaat Kalifornië. Palo Alto, wat in die San Francisco-baaigebied geleë is, word bestuur as 'n sogenaamde charter city ('n nedersetting wat sy munisipale regering volgens sy eie statuut - en dus nie Kalifornië se algemene wet nie - gereël het. Sy naam is afgelei van die Spaanse term vir "hoë boom".

Stylvolle gange en boë op die Stanford-universiteitskampus, met die Memorial Church in die agtergrond
Die Stanford Memorial Church is in opdrag van Jane Stanford opgerig ter nagedagtenis aan haar eggenoot Leland. Dit is in 1903 ingewy

Die nedersetting is in 1885 danksy die inisiatief van die nyweraar Leland Stanford Sr. (1824–1893) en sy vrou Jane saam met die Stanford-universiteit gestig. Die universiteit is genoem na en gewy aan hul enigste seun Leland Stanford Jr. wat een jaar tevore tydens 'n reis deur Europa in Italië op die ouderdom van 15 jaar aan ingewandskoors oorlede is. Naas die universiteit se hoofgebou is ook groot dele van sy kampus binne die stadsgrense geleë.

Palo Alto was byna 'n eeu lank 'n rustige universiteitstad totdat die Stanford-universiteit en die sogenaamde Silicon Valley in sy omgewing in die 1970's en 1980's die spilpunt van ongekende groei en baanbrekende vernuwing in die inligtingstegnologiebedryf geword het.[1] Die universiteit se nuwe rol as die Verenigde State se leidende navorsingsentrum het ingenieurs en ander tegnoloë van dwarsoor die wêreld na Palo Alto gelok.[2]

Al lyk sy stadshorison steeds soos dié van 'n middelgroot rustige stad, huisves Palo Alto tans die hoofkantore van verskeie ondernemings uit die hoëtegnologiebedryf, waaronder Hewlett-Packard (HP Inc.), Hewlett-Packard Enterprise, Space Systems/Loral, VMware, Tesla, Ford Research and Innovation Center, PARC, IDEO, Skype, Palantir Technologies, Houzz en Lockheed Martin Advanced Technology Center. Ander bekende ondernemings soos Apple, Google, Facebook, Logitech, Intuit, Pinterest en PayPal is oorspronklik hier gevestig en het hul hoofkwartiere in die beginfase eweneens in Palo Alto gehad.

'n Ander belangrike werkgewer is die universiteit se mediese sentrum (Stanford University Medical Center), bestaande uit Stanford Health Care en Stanford Children's Health. Dit word as een van die beste hospitale in die Verenigde State beskou.

  1. ↑ Visit California: Palo Alto. Besoek op 3 Junie 2018[dooie skakel]
  2. ↑ Destination Palo Alto: Welcome to Palo Alto. Besoek op 3 Junie 2018

Developed by StudentB